गीत आ धरती राजस्थान री
घणी-घणी म्हारे मन भावे,मीरां री धर मान री
आ धरती रजस्थान री,आ धरती राजस्थान री.
मीरां सा मुळ्कणिया धोरा,सूरजडो चमकावे है
पून भुंवाळा खांती चाले,खेजड हेत रळावे है,
रोहिडे रो रूप निराळो,कुदरत आ भगवान री.
आ धरती राजस्थान री.
खड्यो खेत में खेतीखड,तेजॆ री तान सुणावे है,
अळगोज़ॆ रो साज़ सुरीळो,सावण रंग सरसावे है,
गीत सुरीळा तीजणियां रा,भौम गोग चौहाण री.
आ धरती राजस्थान री.
काचर,बोर,मतीरा मीठा,सिट्टा सीर रळावॆ है,
रोट बाजरी,छाछ राबडी,थाळ्यां भर-भर खावॆ है,
मिनखां री मिसरी सी बोली,कोयलडी रॆ गान री
आ धरती राजस्थान री.
Wednesday, May 19, 2010
Subscribe to:
Post Comments (Atom)
No comments:
Post a Comment